Foto nga VCG
Në përgjigje të deklaratave të bëra nga “përfaqësuesi i Tajvanit në Japoni”, Ambasada e Kinës në Japoni tha të hënën se Tajvani nuk është një vend dhe për të nuk ekziston diçka e tillë si “dinjiteti kombëtar”.
Një zëdhënës i ambasadës tha se ekziston vetëm një Kinë në botë dhe Tajvani është pjesë e pandashme e territorit të Kinës. Qeveria e Republikës Popullore të Kinës është qeveria e vetme ligjore që përfaqëson të gjithë Kinën. Ky është konsensusi mbizotërues në bashkësinë ndërkombëtare.
Zyrtarët e Tajvanit që morën pjesë së fundmi në një ceremoni përkujtimore për shpërthimin atomik në Japoni, u ankuan për uljen e qëllimtë të “dinjitetit kombëtar” të Tajvanit, pasi vendet e tyre u vendosën jashtë zonës së delegacionit diplomatik.
Zëdhënësi i ambasadës kineze tha se në përpjekje për të tërhequr vëmendje kudo, Tajvani vetëm sa do të turpërojë veten.
Zëdhënësi vuri gjithashtu në dukje se e vetmja referencë për rajonin e Tajvanit në Kombet e Bashkuara është “Tajvani, Provinca e Kinës”.
