Foto nga VCG
Përballë paqëndrueshmërisë së vazhdueshme në Lindjen e Mesme kohët e fundit, konfliktit ushtarak në rritje që po përkeqëson furnizimin global të energjisë dhe po shkakton goditje të rënda për stabilitetin e zinxhirëve të furnizimit dhe industrive ndërkombëtare, mediat e huaja po nënvizojnë se qëndrueshmëria dhe rezistenca e zhvillimit të Kinës i sjell botës “përfitime sigurie”.
Sipas mediave si “Financial Times” dhe Reuters nga Britania e madhe, në situatën aktuale, gjithnjë e më shumë qeveri dhe kompani të huaja po kuptojnë se sa më shumë të lidhen me zinxhirët e furnizimit me Kinën, aq më të sigurt bëhen. Dhe sa më shumë të shkëputen nga zinxhirët e furnizimit me Kinën, aq më e rrezikshme bëhet situata. Gjigantët ndërkombëtarë të teknologjisë kanë përmirësuar investimet e tyre në Kinë nga një “opsion i mundshëm” në një “opsion të domosdoshëm”. Situata e trazuar i ka bindur më tej kompanitë e huaja që operojnë në Kinë se ajo është një vend i pazëvendësueshëm.
Sipas CNN, Kina po përmirëson pozicionin e saj në ekonominë globale, duke mos qenë më “fabrikë e botës”, por duke u bërë një eksportues i teknologjive si robotët me inteligjencë artificiale dhe mikroçipet, duke ndihmuar vendet e tjera të zhvillojnë ekonomitë e tyre. Disa nga mediat kryesore amerikane, si The New York Times dhe The Washington Post, kohët e fundit publikuan artikuj që vlerësojnë “avantazhet e dukshme” të teknologjive të pastra të energjisë së Kinës. Sipas New York Times, vendet tani e kuptojnë se kanë nevojë urgjente të ndërtojnë rrjete energjetike që mund të përballojnë goditjet energjetike të ardhshme. Por për shumë vende, zhvillimi i rrjetit të energjisë, bazuar në burime të rinovueshme, do të varet në mënyrë të pashmangshme nga teknologjia kineze.
Performanca nga tregu i kapitalit të Kinës ka marrë vlerësime pozitive nga mediat e huaja. Mediat si Bloomberg dhe Reuters njoftuan se që nga shpërthimi i luftës, tregu aksionar i Kinës ka performuar më mirë se tregjet e tjera, duke u bërë një “strehim sigurie” për pronat globale falë qëndrueshmërisë së jashtëzakonshme.
Media të shumta të huaja citojnë rezultatet e një sondazhi global të opinionit publik të publikuar së fundmi nga kompania Gallup, duke thënë se në vitin 2025, Kina do të kalojë mbi SHBA-në sa i përket njohjes globale. Përveç kësaj, një sondazh i fundit i kryer nga revista amerikane Politico tregon se disa aleatë kryesorë të SHBA-së në përgjithësi mbështesin të mbajnë distancë nga Amerika dhe të varen më shumë nga Kina.
