Foto nga VCG
Zëdhënësi i Ministrisë së Jashtme të Kinës, Guo Jiakun, u shpreh të martën se ishte i kënaqur që një çift i ri pandash gjigante kineze është prezantuar së fundmi para publikut amerikan, duke u sjellë më shumë gëzim qytetarëve të Shteteve të Bashkuara.
Guo i bëri këto komente gjatë një konference të rregullt për shtyp, në përgjigje të një pyetjeje lidhur me prezantimin e dy pandave të dërguara në ShBA pas vizitës shtetërore të presidentit kinez Xi Jinping në këtë vend në shtator.
Më 24 shtator, gjatë vizitës së tij, Xi njoftoi se një çift pandash gjigante do të dërgohej në Kopshtin Zoologjik të Atlantës për t’u takuar me publikun amerikan. Dy pandat, Ping Ping dhe Fu Shuang, mbërritën më 27 shtator. Përpara se të prezantoheshin para vizitorëve javën e kaluar, ato kaluan më shumë se një muaj në karantinë, duke u përshtatur me bambunë, kujdestarët dhe mjedisin e ri.
Foto nga VCG
Sipas zëdhënësit, Kina dhe ShBA-ja kanë bërë përgatitje të hollësishme për të garantuar shëndetin dhe sigurinë e pandave, transportimin e tyre pa probleme nga Kina dhe përshtatjen me mjedisin e ri. Të gjitha këto masa janë zbatuar në përputhje të plotë me kërkesat dhe standardet teknike të bashkëpunimit ndërkombëtar për mbrojtjen e pandave gjigante.
Foto nga VCG
“Besojmë se raundi i ri i bashkëpunimit do të kontribuojë më tej në forcimin e kapaciteteve për ruajtjen e pandave gjigante dhe specieve të tjera të rrezikuara, në avancimin e ruajtjes së biodiversitetit global, si dhe në thellimin e miqësisë mes popullit kinez dhe atij amerikan,” tha ai.
