Foto nga Xinhua
Kryetari i Komitetit të Përhershëm të Asamblesë Kombëtare Popullore (AKP) të Kinës Zhao Leji u takua me presidentin e Ekuadorit Daniel Roy-Gilchrist Noboa Azín të mërkurën në Pekin.
Duke vënë në dukje që ky vit shënon dhjetëvjetorin e partneritetit të gjithanshëm strategjik Kinë-Ekuador, Zhao tha se Kina është e gatshme të punojë me Ekuadorin për të zbatuar konsensusin e rëndësishëm të arritur nga të dy krerët e shtetit, të vazhdojë miqësinë tradicionale ndërmjet të dy vendeve, të thellojë bashkëpunimin praktik, të ngrejë vazhdimisht nivelin e marrëdhënieve dypalëshe dhe të sjellë më shumë përfitime për të dy popujt.
AKP-ja e Kinës është e gatshme të nxisë shkëmbimet miqësore në shumë nivele e fusha me Asamblenë Kombëtare të Ekuadorit, të thellojë ndarjen e përvojës lidhur me legjislacionin, mbikëqyrjen e qeverisjen dhe të sigurojë mbrojtje ligjore për bashkëpunimin praktik midis të dy vendeve, shtoi kryeligjvënësi kinez.
Nga ana e tij, presidenti Noboa tha që Ekuadori e sheh Kinën si një vend mik e partner të mirë dhe e mbështet Kinën në mbrojtjen e sovranitetit dhe integritetit territorial të saj. Ai shtoi se Ekuadori është i gatshëm të thellojë bashkëpunimin me Kinën në tregti, investime e sektorë të tjerë dhe të forcojë mësimin e ndërsjelltë midis organeve ligjvënëse të të dy vendeve.
