Foto nga Ministria e Jashtme e Kinës
Kryetari i Komitetit të Përhershëm të Asamblesë Kombëtare Popullore të Kinës, Zhao Leji, u takua të martën në Pekin me presidentin e Mianmarit, Min Aung Hlaing.
Zhao Leji tha që Kina është e gatshme të thellojë bashkëpunimin me Mianmarin e të forcojë shkëmbimet mes organeve legjislative të të dy vendeve, si edhe të punojë me Mianmarin për të zbatuar konsensusin e rëndësishëm të arritur nga udhëheqësit e të dy vendeve, për të ruajtur fqinjësinë e mirë dhe miqësinë, për të thelluar bashkëpunimin me përfitim të ndërsjellë e për të pasuruar vazhdimisht përmbajtjen e komunitetit me të ardhme të përbashkët Kinë–Mianmar.
Sipas tij, Asambleja Kombëtare Popullore e Kinës është e gatshme të zhvillojë shkëmbime e bashkëpunim më të ngushtë me Parlamentin e Unionit të Mianmarit në nivele dhe fusha të ndryshme, të forcojë shkëmbimin e përvojave legjislative dhe të kontribuojë në zhvillimin e marrëdhënieve dypalëshe.
Nga ana e tij, Min Aung Hlaing theksoi se Mianmari i përmbahet parimit të një Kine, kundërshton çdo formë të “pavarësisë së Tajvanit” dhe mbështet plotësisht katër nismat globale të propozuara nga Kina.
Ai shtoi që Mianmari është i gatshëm të thellojë bashkëpunimin me përfitime të ndërsjella me Kinën, të promovojë shkëmbimet mes organeve legjislative të dy vendeve dhe të zgjerojë bashkëpunimin në fusha si komisionet e posaçme dhe trajnimi i personelit.
