Foto nga VCG
Presidenti i Kinës Xi Jinping i dërgoi të enjten një mesazh homologut të tij të Republikës së Vanuatut Nikenike Vurobaravu, duke i uruar 46-vjetorin e pavarësisë.
Xi vuri në dukje se, që nga vendosja e marrëdhënieve diplomatike 44 vjet më parë, besimi i ndërsjellë politik midis dy vendeve është thelluar vazhdimisht dhe bashkëpunimi praktik ka dhënë rezultate të frytshme.
“Unë i kushtoj rëndësi të madhe zhvillimit të marrëdhënieve Kinë-Vanuatu dhe jam i gatshëm të punoj së bashku me Presidentin Vurobaravu për ta çuar më tej partneritetin e gjithanshëm strategjik midis dy vendeve, duke krijuar një komunitet më të ngushtë me të ardhme të përbashkët për epokën e re Kinë-Vanuatu, në të mirë të shtimit të mirëqenies së popujve të të dy vendeve,” tha kreu i shtetit i Kinës në mesazhin e vet të urimit.
