Foto nga VCG
Konferenca e Inovacionit të Gjelbër “Një brez, një rrugë” 2026 u zhvillua të hënën në Hong-Kong, duke mbledhur zyrtarë, ekspertë dhe përfaqësues të sektorit industrial, për të diskutuar nxitjen e zhvillimit të qëndrueshëm dhe tranzicionit të gjelbër të vendeve të Jugut Global.
Foto nga VCG
Ministri i Ekologjisë dhe Mjedisit i Kinës, Huang Runqiu, tha në fjalën e tij se Kina vazhdon ta integrojë konceptin e zhvillimit të gjelbër në të gjithë procesin dhe në të gjitha fushat e zhvillimit ekonomik dhe shoqëror. Duke mbështetur vizionin e një komuniteti me të ardhme të përbashkët për njerëzimin, Kina po thellon bashkëpunimin ndërkombëtar në fusha si tranzicioni i gjelbër dhe me karbon të ulët, si edhe mbrojtja ekologjike dhe mjedisore.
Ai shtoi se kjo nismë e gjelbër mbështetet në avantazhet e Kinës në industri dhe teknologji, përputhet ngushtë me nevojat e zhvillimit të vendeve të ndryshme dhe ndihmon më shumë vende të Jugut Global të avancojnë tranzicionin e gjelbër.
Kryeekzekutivi i Rajonit të Posaçëm Administrativ të Hong-Kongut, John Lee, vuri në dukje se Hong-Kongu është në një pozicion të favorshëm për t’u ofruar partnerëve të nismës “Një brez, një rrugë” shërbime profesionale në fusha si financimi, menaxhimi i projekteve dhe menaxhimi i rrezikut për projektet e infrastrukturës së gjelbër dhe zhvillimit të qëndrueshëm.
Në konferencë morën pjesë gati 300 persona nga më shumë se 20 vende.
