Foto nga Ministria e Mbrojtjes e Kinës
Zëdhënësi i Ministrisë së Mbrojtjes i Kinës Jiang Bin u bëri thirrje të martën Filipineve të ndalojnë manipulimet politike të papërgjegjshme dhe farsat në det.
Ai i bëri këto komente në përgjigje të vendosjes së anijeve dhe avionëve nga Roja Bregdetare Filipinase pranë ishullit Huangyan të Kinës, në emër të “mbrojtjes së të drejtave sovrane dhe mjeteve të jetesës të peshkatarëve”.
Jiang theksoi se ishulli Huangyan është pjesë e territorit të Kinës dhe nuk ka qenë kurrë brenda territorit të Filipineve.
Sipas tij, disa departamente filipinase kanë mashtruar dhe kanë nxitur peshkatarë të pafajshëm për të kryer veprime provokuese, duke treguar plotësisht shpërfilljen e tyre për jetesën, mirëqenien apo edhe sigurinë e peshkatarëve.
Zëdhënësi shtoi se Kina do të vazhdojë të ushtrojë sovranitetin dhe juridiksionin mbi ishullin Huangyan dhe ujërat përreth, në përputhje me ligjin, dhe do të mbrojë me vendosmëri sovranitetin territorial dhe të drejtat e interesat e saj detare.
