Foto nga VCG
Komiteti i Përhershëm i legjislaturës së 14-të të Asamblesë Kombëtare Popullore (AKP) të Kinës do ta mbajë sesionin e vet të 21-të në Pekin më 25 dhe 26 shkurt.
Ky vendim u mor të martën në mbledhjen e Këshillit të Kryetarëve të Komitetit të Përhershëm të AKP-së të kryesuar nga Zhao Leji, kryetari i Komitetit të Përhershëm të AKP-së.
Sipas programit të propozuar që u diskutua në mbledhjen e së martës, ligjvënësit e sesionit të ardhshëm do të shqyrtojnë një raport mbi punën e Komitetit të Përhershëm të Asamblesë Kombëtare Popullore, një projektprogram për sesionin e katërt të legjislaturës së 14-të të Asamblesë Kombëtare Popullore, një projektlistë të emrave të anëtarëve që do të shqyrtohen për të qenë në presidium dhe në detyrën e sekretarit të përgjithshëm, një projektlistë të emrave të delegatëve jovotues dhe raporte të tjera.
Programi i propozuar tregon se në këtë sesion do të paraqiten për herë të parë projekti i rishikuar i ligjit të llogaritarëve publikë të certifikuar dhe projektligji për personelin zjarrfikës dhe të shpëtimit. Ligjvënësit do të shqyrtojnë gjithashtu projektligjin e ndihmës sociale.
Në takimin e së martës u shqyrtua gjithashtu një raport mbi trajtimin e ankesave publike nga institucionet e ndryshme të Asamblesë Kombëtare Popullore më 2025 dhe një projekt masash për përmirësimin e mëtejshëm të mekanizmit të punës për zbatimin e Ligjit të Mbikqyrjes prej Komiteteve të Përhershme të Asambleve Popullore në të Gjitha Nivelet.
