Foto nga CMG
Të enjten paradite, u hap sesioni i katërt të legjislaturës së 14-të të Asamblesë Kombëtare Popullore (AKP) gjatë së cilit Kryeministri i Kinës Li Qiang mbajti një raport mbi punën e qeverisë në emër të Këshillit të Shtetit. Raporti vendosi një sërë objektivash dhe detyrash për zhvillimin ekonomik dhe social në vitin 2026, duke përfshirë objektivin e synuar të rritjes ekonomike prej 4.5%-5%, me përpjekje për të arritur rezultate edhe më të mira në praktikë.
Ky vit shënon fillimin e Planit të 15-të Pesëvjeçar. Një pikë e rëndësishme e rendit të ditës së këtij sesioni vjetor të AKP-së është shqyrtimi dhe miratimi i draft projektit të Planit të 15-të Pesëvjeçar dhe publikimi i tij për zbatim. Ky plan, që mishëron mençurinë dhe pritshmëritë e qindra miliona njerëzve në Kinë, është gati të zbulohet. Populli kinez do të përpiqet të arrijë objektivat dhe detyrat e zhvillimit ekonomik dhe social për vitin 2026, duke siguruar një fillim të mirë për Planin e 15-të Pesëvjeçar.
