foto nga VCG
Kina ka zgjeruar zonat e saj pilot të tregtisë së lirë (ZTL) në 23 të tilla, me krijimin e Zonës Pilot të Tregtisë së Lirë të Kinës (Mongolia e Brendshme), sipas një plani të bërë publik të enjten nga Këshilli i Shtetit.
Plani i jep zonës së re pilot në Rajonin Autonom të Mongolisë së Brendshme, autonomi më të madhe në reforma dhe inkurajon eksplorimin pionier, të integruar dhe të diferencuar në një gamë më të gjerë fushash dhe në një nivel më të thellë.
Ai specifikon 19 masa reformash dhe novacioni, duke përfshirë zhvillimin e tregtisë kufitare në mënyrë novatore, forcimin e shërbimeve logjistike ndërkombëtare, përmirësimin e efikasitetit të transferimit dhe zbatimit të teknologjisë dhe zgjerimin e shkëmbimeve të jashtme në fusha të shumta.
foto nga VCG
ZTL do të shfrytëzojë plotësisht rolin e saj si një pikë lidhëse e rëndësishme për hapjen e Kinës drejt veriut, si dhe do të përpiqet të bëhet një ZTL e nivelit të lartë që ofron investime dhe tregti të përshtatshme, një ekosistem të shëndoshë inovacioni, grupim të industrive konkurruese dhe shkëmbime ndërkombëtare të gjalla.
Kina kishte krijuar më parë 22 ZTL pilot duke përfshirë Shangain, Guangdong, Liaoning, Hainan, Shandong dhe Pekinin. Shtesa e mëparshme ishte Zona Pilot e Tregtisë së Lirë e Kinës (Xinjiang) në vitin 2023.
