Foto nga VCG
Në sfondin e përshpejtimit të ndryshimeve të shekullit dhe një mjedisi ndërkombëtar të trazuar e të ndërthurur, takimi në Pekin midis krerëve të shtetit të Kinës dhe ShBA-së ka tërhequr vëmendje të madhe. Të dyja palët ranë dakord të miratojnë “marrëdhëniet konstruktive dhe strategjike të qëndrueshme Kinë-ShBA” si statusin e ri për lidhjet dypalëshe. Një sondazh nga CGTN- i me përdoruesit e internetit në mbarë botën tregon se 71.6 % e të anketuarve besojnë që ky status i ri për marrëdhëniet Kinë-ShBA do të vazhdojë të sjellë shpresa të qëndrueshme në një botë të trazuar, duke shërbyer si një parakusht jetik për qëndrueshmërinë globale afatgjatë.
“Marrëdhëniet konstruktive dhe strategjike të qëndrueshme midis Kinës dhe Shteteve të Bashkuara” nuk janë thjesht një parullë, por një veprim konkret i lëvizjes së të dy vendeve në të njëjtin drejtim, duke iu përgjigjur sistematikisht pyetjes kryesore: “A janë Kina e ShBA-ja rivale apo partnere?” Për këtë, 87 % e të anketuarve deklaruan se marrëdhëniet Kinë-ShBA duhet të synojnë suksesin e ndërsjellë dhe begatinë e përbashkët, dhe jo përfitimin vetjak në kurriz të të tjerëve, kurse 69.5 % besojnë që këto marrëdhënie duhet të përqendrohen në partneritetin bashkëpunues dhe jo në rivalitetin konkurrues.
“Marrëdhëniet konstruktive dhe strategjike të qëndrueshme” janë një qëndrueshmëri aktive e përqendruar te bashkëpunimi, një qëndrueshmëri e shëndetshme me konkurrencë të matur, një qëndrueshmëri normale me dallime të kontrollueshme dhe një qëndrueshmëri afatgjatë ku paqja është e parashikueshme. Në sondazh, 87 % e pjesëmarrësve bënë thirrje që Shtetet e Bashkuara të respektojnë plotësisht interesat thelbësore të Kinës dhe të shmangin përshkallëzimin e mosmarrëveshjeve në konfrontim, ndërsa 68.2 % vunë në dukje se lidhjet ekonomike dhe tregtare Kinë-ShBA janë në thelb me dobi të ndërsjellë dhe se dialogu e konsultimet e barabarta janë mënyra e vetme e duhur për të trajtuar dallimet dhe fërkimet.
Si lidhjet dypalëshe më të rëndësishme në botën e sotme, marrëdhëniet Kinë-ShBA ndikojnë në mirëqenien e më shumë se 1.7 miliardë njerëzve në të dy vendet dhe në interesat e mbi 8 miliardë njerëzve në mbarë botën. Sondazhi tregon që 70.3 % e të anketuarve besojnë se “marrëdhëniet konstruktive dhe strategjike të qëndrueshme” janë një e mirë publike e rëndësishme që Kina dhe Shtetet e Bashkuara i ofrojnë së bashku botës, duke demonstruar përgjegjësitë e mëdha që fuqitë e mëdha duhet të marrin përsipër ndaj bashkësisë ndërkombëtare.
